କାବୁଲ: ଜୁନ୍ ୧୮: ଆଫଗାନିସ୍ତାନର ରାଜଧାନୀ କାବୁଲରେ ଆଜି ସକାଳ ସମୟରେ ଏକ ଗୁରୁଦ୍ୱାର ନିକଟରେ ବିସ୍ପୋରଣ ଘଟିଛି । ସ୍ଥାନୀୟ ଏକ ଟିଭିନୁ୍ୟଜର ସୂଚନା ଅନୁସାରେ, ଗୁରୁଦ୍ୱାର ନିକଟସ୍ଥ ଏକ ବ୍ୟସ୍ତବହୁଳ ରାସ୍ତାରେ ବିସ୍ପୋରଣଟି ଘଟିଥିଲା । ତେବେ ଏଥିରେ ଦୁଇ ଜଣଙ୍କର ପ୍ରାଣହାନି ହୋଇଥିବା ସୂଚନା ରହିଛି । ଅନ୍ୟ ଏକ ନୁ୍ୟଜ୍ ଅନୁସାରେ, କାବୁଲ ସହରର କାର୍ତେ ପାରୱାନ୍ ଅଞ୍ଚଳରେ ବିସ୍ପୋରଣଟି ଘଟିଛି । ସୁରକ୍ଷା ବାହିନୀ ଏହି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଏହି ଘଟଣାକୁ ନେଇ ଭାରତୀୟ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ନିନ୍ଦା କରିଛନ୍ତି । ସେ ଟୁଇଟ୍ କରି କହିଛନ୍ତିଯେ, ଗୁରୁଦ୍ୱାର କାର୍ତେ ପାରୱାନରେ ହୋଇଥିବା ଭୟଭୀତ ଆକ୍ରମଣକୁ ସମସ୍ତେ କଡ଼ା ନିନ୍ଦା କରିବା ଉଚିତ୍ । ଏହି ଖବର ମିଳିବା ପରଠାରୁ ଆମେ ଘଟଣା ଉପରେ ତୀå ନଜର ରଖିଛୁ । ଆମର ପ୍ରଥମ ଏବଂ ମୁଖ୍ୟ ଚିନ୍ତା ହେଉଛି ସମ୍ପ୍ରଦାୟର କଲ୍ୟାଣ ।
The cowardly attack on Gurudwara Karte Parwan should be condemned in the strongest terms by all.
We have been closely monitoring developments since the news of the attack was received. Our first and foremost concern is for the welfare of the community. https://t.co/ocfuY0RBhN
— Dr. S. Jaishankar (@DrSJaishankar) June 18, 2022
ସୂଚନା ଥାଉଯେ, ୧୧ ଜୁନ୍ରେ କାବୁଲର ବାଟଖକ୍ ସ୍କୋୟାରରେ ବିସ୍ପୋରଣରେ ଅନେକ ଲୋକ ଆହତ ହୋଇଥିଲେ । ଏହି ଘଟଣାରେ ଏକ ସାଇକେଲରେ ବିସ୍ପୋରକ ପଦାର୍ଥ ଖଞ୍ଜା ଯାଇଥିଲା । ସେହିପରି, ମେ ୨୫ ରେ ବାଲଖ ପ୍ରଦେଶର ରାଜଧାନୀରେ ତିନୋଟି ବିସ୍ପୋରଣ ଘଟଣାରେ ୯ ଜଣଙ୍କର ମୃତୁ୍ୟ ଘଟିଥିବା ବେଳେ ୧୫ ଜଣ ଆହତ ହୋଇଥିଲେ ।
Comments are closed.