ଭୁବନେଶ୍ୱର: ବିଧାନସଭାରେ ପାରିତ ହେଲା ବିଶ୍ୱବିଦ୍ୟାଳୟ ସଂଶୋଧନ ବିଲ୍ । ରାତି ତମାମ ବିତର୍କ ପରେ ଭୋର ୪ଟା ୨୯ ମିନିଟରେ ବିଲ୍ ବିଧାନସଭାରେ ପାରିତ ହୋଇଛି ।
ବିଶ୍ୱବିଦ୍ୟାଳୟ ସଂଶୋଧନ ବିଲ ନେଇ ବିଧାନସଭାରେ ସରଗରମ ଆଲୋଚନା ହୋଇଥିଲା । ସାରା ରାତି ଆଲୋଚନା ପରେ ବିଲରେ ଲାଗିଲା ମୋହର । ମୂଳ ବିଲରେ ମୋଟ ୧୮ ଟି କ୍ଲଜ ଏବଂ ଗୋଟିଏ ଅନୁସୂଚି ରହିଥିବାବେଳେ, ବିରୋଧୀ ଓଡିଶା ବିଶ୍ୱବିଦ୍ୟାଳୟ ସଂଶୋଧନ ବିଲ ୨୦୨୪ ରେ ୧୨ ଟି କ୍ଲଜରେ ସଂଶୋଧନ ପ୍ରସ୍ତାବ ରଖିଥିଲେ ।
ପ୍ରତ୍ୟେକ ସଂଶୋଧନ ପ୍ରସ୍ତାବ ଉପରେ ବିରୋଧୀ ଦଳ ପକ୍ଷରୁ ଶଙ୍କା ଆଶଙ୍କା ପ୍ରକାଶ କରି ସରକାରଙ୍କୁ ସ୍ପଷ୍ଟୀକରଣ ମଗାଯାଇଥିଲା ଏବଂ ସରକାରଙ୍କ ପକ୍ଷରୁ ଉତ୍ତର ଦିଆଯାଇଥିଲା । ପ୍ରାୟ ୧୨ ଘଣ୍ଟା ଧରି ଚାଲିଲା ଆଲୋଚନା । ବିଲ୍ ନେଇ ଶାସକ ଓ ବିରୋଧୀ ମଧ୍ୟ ଘମାଘୋ ଟ ଆଲୋଚନା ହୋଇଥିଲା । ପରିଶେଷରେ ବିରୋଧୀ ସଦସ୍ୟଙ୍କ ସମସ୍ତ ସଂଶୋଧନ ପ୍ରସ୍ତାବ କାଟ ଖାଇଥିଲା ।
