ଭୁବନେଶ୍ବର : ଭିଜିଲାନ୍ସ ଜାଲରେ ପୁଣି ଜଣେ ସରକାରୀ ବାବୁ ଇ ଲାଞ୍ଚ ନେବା ବେଳେ ଗ୍ରାମୀଣ କାର୍ଯ୍ୟ ବିଭାଗର ସହକାରୀ ଯନ୍ତ୍ରୀ ନରେଶ କୁମାର ଦାସ ଭିଜିଲାନ୍ସ ହାତରେ ଧରାପଡ଼ିଛନ୍ତି । ବାକିଆ ବିଲ ପାସ କରାଇ ଦେବାକୁ ଜଣେ ଠିକାଦାରଙ୍କ ଠାରୁ ଲକ୍ଷେ ଟଙ୍କା ଲାଞ୍ଚ ଦାବି କରିଥିଲେ ନରେଶ ଦାସ ।
ଘଟଣାନୁସାରେ,ଜନସ୍ବାସ୍ଥ୍ୟ ବିଭାଗର ଏକ କାମ ଠିକାଦାର ଜଣକ କରିଥିଲେ। ଉକ୍ତ କାମ ପାଇଁ ଠିକାଦାର ୭ ଲକ୍ଷ ଟଙ୍କାର ବିଲ୍ ବାକି ରହିଥିଲା। ଉକ୍ତ କାମର ବିଲ୍ ସହକାରୀ ଯନ୍ତ୍ରୀ ନରେଶ କୁମାର ମଞ୍ଜୁର କରି ନ ଥିଲେ। ବିଲ୍ ମଞ୍ଜୁର କରିବା ପାଇଁ ଲକ୍ଷେ ଟଙ୍କା ଦାବି କରିଥିଲେ। ଏ ନେଇ ଠିକାଦାର ଜଣକ ଭିଜିଲାନ୍ସରେ ଅଭିଯୋଗ କରିଥିଲେ। ଯୋଜନା ମୁତାବକ ବୁଧବାର ଠିକାଦାର ଜଣକ ଯନ୍ତ୍ରୀ ନରେଶକୁ ଟଙ୍କା ଦେଉଥିବାବେଳେ ତାଙ୍କ ଠାରୁ ୧ ଲକ୍ଷ ଲାଞ୍ଚ ଟଙ୍କା ସହିତ ଅଧିକ ୧ ଲକ୍ଷ ୨୬ ହଜାର ଟଙ୍କା ଜବତ କରିଥିଲେ ଭିଜିଲାନ୍ସ । ଉକ୍ତ ଟଙ୍କା ସମ୍ପର୍କରେ ସେ କୌଣସି ସନ୍ତୋଷଜନକ ଉତ୍ତର ଦେଇ ପାରି ନ ଥିଲେ ନରେଶ । ଏହା ପରେ, ଭିଜିଲାନ୍ସ ଦଳ ତାଙ୍କ ବାସଭବନ ଏବଂ ଅନ୍ୟାନ୍ୟ ସ୍ଥାନରେ ତଲାସ କରିଥିଲା। ଏହି ସମ୍ପର୍କରେ, ଅଭିଯୁକ୍ତ ନରେଶ ଦାସଙ୍କ ବିରୁଦ୍ଧରେ ଭୁବନେଶ୍ୱର ଭିଜିଲାନ୍ସ ପିଏସ୍ କେସ୍ ୫/୨୦୨୫ ୟୁ/ଏସ୍-୭ପିସି (ସଂଶୋଧନ) ଆଇନ, ୨୦୧୮ ରୁଜୁ କରାଯାଇ ଅଧିକ ତଦନ୍ତ ଜାରି ରଖିଛି ଭିଜିଲାନ୍ସ ।
