ଭୁବନେଶ୍ୱର : ଭୁବନେଶ୍ୱରରୁ ଧରାପଡିଲା ନକଲି ପୋଲିସ ଅଫିସର । ନାଇଟ ବ୍ଳକିଂ ଚେକିଂ ବେଳେ ସହିଦ ନଗର ଅଞ୍ଚଳରୁ ଧରାପଡିଛି ନକଲି ପୋଲିସ । ନିଜକୁ DSP କହି ଅନେକ ଲୋକଙ୍କୁ ଚାକିରି କରିଦେବ ବୋଲି କହି ଅନେକ ଟଙ୍କା ଠକିଥିବା ଅଭିଯୋଗ ହୋଇଛି । ନକଲି DSP ହେଉଛି ମାନସ ରଞ୍ଜନ ସେନାପତି । ଘର ଭଦ୍ରକ ବାସୁଦେବପୁର ଅଂଚଳରେ ହୋଇଥିବା ବେଳେ ଭୁବନେଶ୍ୱର ଖାରବେନଗର ଥାନା ମଧୁସୂଦନ ନଗରରେ ରହୁଥିଲା । ବର୍ତ୍ତମାନ ମାନସ ରଞ୍ଜନ ଗିରଫ ହୋଇ ସହିଦ ନଗର ଥାନାରେ ରହିଥିବା ସୂଚନା ମିଳିଛି । ତାଙ୍କ ନିକଟରୁ ପୋଲିସ ୟୁନିଫର୍ମ, ନକଲି ନିଯୁକ୍ତି ପତ୍ର, ୨ ଲକ୍ଷରୁ ଅଧିକ ଜାଲ୍ ନୋଟ୍, ନକଲି ପୋଲିସ ଆଇକାର୍ଡ, କାର୍, ଲାପଟପ୍, ମୋବାଇଲ ଫୋନ ଜବତ ହୋଇଛି । ଏ ସଂକ୍ରାନ୍ତରେ ଏକ ମାମଲା ରୁଜୁ ସହ ତଦନ୍ତ ଜାରି ରହିଛି ବୋଲି ସହିଦ ନଗର ପୁଲିସ ସୂଚନା ଦେଇଛି।
