ଭୁବନେଶ୍ୱର : କଳିଙ୍ଗରେ ଫୁଟବଲର ମନୋରମ ମହୋଲ ମଧ୍ୟରେ ଆରମ୍ଭ ହୋଇଛି ୧୭ ବର୍ଷରୁ କମ୍ ମହିଳା ଫିଫା ବିଶ୍ୱକପ୍ । ଉଦଘାଟନୀ ମ୍ୟାଚରେ ପୁଲ-ଏର ମରୋେMା ଓ ବ୍ରାଜିଲ ପରସ୍ପରକୁ ଭେଟିଥିଲେ । ବିଶ୍ୱ ଫୁଟବଲରେ ସର୍ବଦା ଦବଦବା ଜାହିର କରି ଆସିଥିବା ବ୍ରାଜିଲ ଜୁନିୟର ମହିଳା ଦଳର ପରାକ୍ରମ କଳିଙ୍ଗରେ ଦେଖିବାକୁ ମିଳିଥିଲା । ମ୍ୟାଚର ୫ମ ମିନିଟରେ ହିଁ ବ୍ରାଜିଲ ଦଳ ଗୋଲ ସ୍କୋର କରି ବିଜେତା ହେବାର ପ୍ରମାଣ ଦେଇଥିଲା ।
ପ୍ରଥମାର୍ଦ୍ଧ: ମ୍ୟାଚର ପ୍ରଥମାର୍ଦ୍ଧ ରୋମା ଭରା ଥିଲା । ୫ମ ମିନିଟରେ ଗୋଲ କରିବାର ସୁଯୋଗ ହାସଲ କରିଥିଲା ବ୍ରାଜିଲ । ଦଳର ତାରକା ଖେଳାଳି ଜନସନ୍ ଜମାଣିଆ ଫିଲï ଗୋଲ କରି ଦଳକୁ ୧-୦ରେ ଅଗ୍ରଣୀ କରାଇଥିଲେ । ହେଲେ ପ୍ରଥମାର୍ଦ୍ଧ ମଧ୍ୟରେ ମରୋକୋ ଗୋଲ ପରିଶୋଧ କରିବାକୁ ସମର୍ଥ ହୋଇପାରି ନଥିଲା । ଏହି ବ୍ୟବଧାନ ଜାରି ରଖିଥିଲା ବ୍ରାଜିଲ ।
ଦ୍ୱିତୀୟାର୍ଦ୍ଧ: ଆଉ ଶେଷ ୪୫ ମିନିଟ ଖେଳରେ ପାଶ୍ୱର୍ ପରିବ ର୍ନ ସହ ଦୁଇ ଦଳ ପଡିଆକୁ ଆସିଥିଲେ । ହେଲେ ବ୍ରାଜିଲର ରଣକୌଶଳ ଆଗରେ ହାର ମାନିଥିଲା ମରୋକୋ । ଅତିରିକ୍ତ ସମୟରେ ଆଉ ଗୋଲ ସ୍କୋର ନହେବାରୁ ବ୍ରାଜିଲ ୧-୦ ଗୋଲରେ ବିଜୟ ହୋଇ ୨ ପଏ ସହ ଟେବୁଲର ଶୀର୍ଷରେ ରହିଛି । ଆଗାମୀ ୧୪ ତାରିଖରେ ବ୍ରାଜିଲ ତାର ଦ୍ୱିତୀୟ ଗ୍ରୁପ ମ୍ୟାଚରେ ଆମେରିକାକୁ ଭଟିବ ।
ନୁ୍ୟଜିଲାଣ୍ଡକୁ ହରାଇଲା ଚିଲି
ଗୋଆରେ ଆରମ୍ଭ ହୋଇଥିବା ବିଶ୍ୱକପର ଉଦଘାଟନୀ ମ୍ୟାଚରେ ଚିଲୀ ୩-୧ ଗୋଲରେ ନୁ୍ୟଜିଲାଣ୍ଡକୁ ପରାସ୍ତ କରି ଅଭିଯାନ ଆରମ୍ଭ କରିଛି । ମ୍ୟାଚର ୧୨ତମ ମିନିଟରେ ଚିଲୀର ଅମ୍ବର ଫିଗୁଇରୁଆ, ୨୨ତମ ମିନିଟରେ ରୋଭର ଟାଲୀ, ୬୪ତମ ମିନିଟରେ ଆନିଶ ଚିଫୁଏଳଟିସ୍ ଗୋଲ ସ୍କୋର କରିଥିବା ବେଳେ ନୁ୍ୟଜିଲାଣ୍ଡ ପକ୍ଷରୁ ୫୨ତମ ମିନିଟରେ ଇମିଲୀ କ୍ଲିଗ୍ ଏକମାତ୍ର ଗୋଲ ପରିଶୋଧ କରିଥିଲେ ।
ଇତିହାସ ରଚିଲା କଳିଙ୍ଗ
ପୂର୍ବରୁ କଳିଙ୍ଗ ଷ୍ଟାଡିୟମରେ ଦର୍ଶକ ହକି ବିଶ୍ୱକପର ମଜା ନେଇଥିଲେ । ହେଲେ ବିଶ୍ୱର ସର୍ବାଧିକ ଲୋକପ୍ରିୟ କ୍ରୀଡା ଫୁଟବଲ ବିଶ୍ୱମହାକୁମ୍ଭ ଏହା ପୂର୍ବରୁ କେବେ ଆୟୋଜନ ହୋଇନଥିଲା । ପ୍ରଥମ ଥର ପାଇଁ କଳିଙ୍ଗରେ ୧୭ ବର୍ଷରୁ କମ ମହିଳା ଫିଫା ବିଶ୍ୱକପ ଆୟୋଜନ ହେବା ସହ ଇତିହାସ ସୃଷ୍ଟି ହୋଇଛି । ବ୍ରାଜିଲ-ମରକୋ ମଧ୍ୟରେ ମ୍ୟାଚ ଆରମ୍ଭ ହେବା ସହ ବଲ ଗଡିବା କ୍ଷଣି ଫୁଟବଲ ବିଶ୍ୱକପ୍ ଆୟୋଜନ କରିବାର ଉପଲବ୍ଧି କଳିଙ୍ଗକୁ ମିଳିଛି । ପୂର୍ବରୁ କଳିଙ୍ଗରେ ୨୦ ବର୍ଷରୁ କମ୍ ଚାମ୍ପିଅନସିପ, ଭାରତୀୟ ମହିଳା ଲିଗ୍, ସୁପର କପ୍, ଭାରତୀୟ ସୁପର ଲିଗ୍, ଓଡ଼ିଶା ମହିଳା ଲିଗ୍ ଫୁଟବଲ, ଏଆଇଏଫଏଫ କୋଚିଂ କାର୍ଯ୍ୟକ୍ରମ ସଫଳତା ପୂର୍ବକ ଅନୁଷ୍ଠିତ ହୋଇସାରିଛି । ତେଣୁ ଫିଫା ବିଶ୍ୱକପ ଭଳି ପ୍ରତିଯୋଗିତା ଆମ କ୍ରୀଡା ଗାରିମାକୁ ଦ୍ୱିଗୁଣିତ କରିଛି ।
ବିଶ୍ୱକପର ପ୍ରଥମ
ଗୋଲ କଲେ ଜନସନ୍
୧୭ ବର୍ଷରୁ କମ୍ ମହିଳା ଫିଫା ବିଶ୍ୱକପର ପ୍ରଥମ ଗୋଲ ବ୍ରାଜିଲ ଖାତାକୁ ଯାଇଛି । ମରକୋ ବିପକ୍ଷ ମ୍ୟାଚରେ ଏହି ସଫଳତା ହାସଲ କରିଛି ବ୍ରାଜିଲ । ମ୍ୟାଚର ୫ମ ମିନିଟରେ ଜନସନ୍ ଏହି ଗୋଲ ସ୍କୋର କରି କୀର୍ତ୍ତିମାନର ଅଧିକାରୀ ହୋଇଛନ୍ତି । ଇନଗ୍ରୀଡ ଆପେରସିଡା ବୋର୍ଗେସ୍ ଡି ମୋରାଇଏ୍ସ ତଥା ଜନସନ୍ ଭାବେ ଜଣାଶୁଣା । ୧୭ ବର୍ଷିୟା ଜନସନ୍ ଦକ୍ଷିଣ ଆମେରିକା ରେ ଅନୁଷ୍ଠିତ ବିଶ୍ୱକପ ଯୋଗ୍ୟତା ପର୍ଯ୍ୟାୟ ମୁକାବିଲରେ ୯ଟି ଗୋଲ ସ୍କୋର କରିଥିଲେ । ତେଣୁ ଚଳିତ ବିଶ୍ୱକପରେ ଜନସନ୍ଙ୍କ ସଭିଙ୍କ ନଜର ରହିବ । ସେ ବ୍ରାଜିଲର ଟୋଲେଡୋ ଫୁଟବଲ କ୍ଲବ ପାଇଁ ଖେଳନ୍ତି । ଦଳରେ ଅଲିନେ ଗୋମ୍ସ ଓ ଡୁଡିନ୍ହାଙ୍କ ସହ ଜନସନ୍ଙ୍କ ପ୍ରଦର୍ଶନ ଉଚ୍ଚକୋଟିର ରହିଛି ।
ଟିଭିରେ ଦେଖୁଥିଲୁ, ଏବେ ଷ୍ଟାଡିୟମରେ ବସି ଦେଖିଲୁ
ଓଡ଼ିଶାରେ ଫିଫା ବିଶ୍ୱକପ୍ ହେବା ଏକ ଗୌରବର ବିଷୟ । ଯେଉଁ ମ୍ୟାଚ୍ ଆମେ ଆଜି ଯାଏ ଟିଭିରେ ଦେଖୁଥିଲୁ, ଏବେ ଷ୍ଟାଡିୟମରେ ବସି ଦେଖିପାରୁଛୁ ବୋଲି କହିଛନ୍ତି ଓଡ଼ିଶା ମହିଳା ଫୁଟବଲ ଦଳର କୋଚ୍ ଶ୍ରଦ୍ଧାଞ୍ଜଳି ସାମନ୍ତରାୟ । ବିଶ୍ୱକପରେ ଦଳ ଭଲ ପ୍ରଦର୍ଶନ କରିବ ବୋଲି ସେ ଆଶାବାଦୀ ଅଛନ୍ତି ।
ଗ୍ୟାଲେରୀ ଫାଙ୍କା
କଳିଙ୍ଗରେ ୧୭ ବର୍ଷରୁ କମ ମହିଳା ଫିଫା ବିଶ୍ୱକପ ଆୟୋଜନ ହୋଇଛି ସତ, ହେଲେ ଦର୍ଶକଙ୍କ ମଧ୍ୟରେ ଏହାକୁ ନେଇ ଉତ୍ସାହ ଟିକେ କମ ପରିଲକ୍ଷିତ ହୋଇଛି । ଆଶା କରାଯାଉଥିଲା, ୧୫ ହଜାର ଦର୍ଶକ କ୍ଷମତା ବିଶିଷ୍ଟ କଳିଙ୍ଗ ଷ୍ଟାଡିୟମରେ ଭରପୁର ଦର୍ଶକ ମ୍ୟାଚର ମଜା ନେବେ । କି;ୁ ଗ୍ୟାଲେରୀ ହାତ ଗଣତୀ ଦର୍ଶକ ଥିଲେ ।
ଭାରତ-ଆମେରିକା ମ୍ୟାଚ୍ ପୂର୍ବରୁ ସ୍କୁଲ କଲେଜର ବହୁ ସଂଖ୍ୟାରେ ପିଲା ଗ୍ୟାଲେରୀର ଶୋଭା ବର୍ଦ୍ଧନ କରିଥିଲେ ।
ସୁଦୂର ମରକୋରୁ କଳିଙ୍ଗ
ମହିଳା ବିଶ୍ୱକପରେ ଅଂଶଗ୍ରହଣ କରିଛି ମରକୋ ଦଳ । ଦଳକୁ ସମର୍ଥନ ଦେବାପାଇଁ ସୁଦୁର ମରକୋରୁ ଓଡ଼ିଶା ଆସିଛନ୍ତି ସମର୍ଥକ । ବ୍ରାଜିଲ ବିପକ୍ଷ ମ୍ୟାଚରେ ମରକୋକୁ ଖେଳାଳିଙ୍କୁ ଭରପୁର ଉତ୍ସାହିତ କରିଥିଲେ । ହାତରେ ଦେଶର ଜାତୀୟ ପତାକା ସହ ମରକୋ ମରକୋ ଧ୍ୱନୀରେ ସାରା ଷ୍ଟାଡିୟମ ଗୁଞ୍ଜରିତ ହୋଇଥିଲା ।
ବିଧାୟକଙ୍କୁ କଳିଙ୍ଗ ମନା
ରାଗିଲେ ସୁର ରାଉତରାୟ
କ୍ରୀଡା ବିଭାଗର ଆମନ୍ତ୍ରଣ କ୍ରମେ ଜଟଣୀ ବିଧାୟକ ସୁରେଶ କୁମାର ରାଉତରାୟ ୧୭ ବର୍ଷରୁ କମ୍ ମହିଳା ଫିଫା ବିଶ୍ୱକପ ମ୍ୟାଚ୍ ଦେଖିବା ପାଇଁ କଳିଙ୍ଗ ଷ୍ଟାଡିୟମ ଆସିଥିଲେ । ପାଖରେ ବିଶ୍ୱକପର ପାସ୍ ମଧ୍ୟ ଥିଲା । ହେଲେ କଳିଙ୍ଗ ଷ୍ଟାଡିୟମର ସୁରକ୍ଷା ଅଧିକାରୀ ତାଙ୍କୁ ଭିଡି ବାହାର କରିଦେଇଥିଲେ । ଏଥିରେ ବିଧାୟକ ରାଗି ନିଆଁବାଣ ହୋଇଥିଲେ । ନିମନ୍ତ୍ରଣ କରି ଅପମାନିତ କରିଥିବା କରିଥିବାରୁ ସେ ରାଜ୍ୟସରକାର ତଥା କ୍ରୀଡା ବିଭାଗ ଉପରେ ବର୍ଷିଥିଲେ । ସୁର ରାଉତରାୟ ରାଜ୍ୟର କ୍ରୀଡାମନ୍ତ୍ରୀ ଥିବା ସମୟରେ କଳିଙ୍ଗ ଷ୍ଟାଡିୟମକୁ ପୂର୍ଣ୍ଣାଙ୍ଗ ରୂପ ମିଳିଥିଲା ।
ଆତସବାଜୀରେ ଝଲସିଲା ଷ୍ଟାଡିୟମ
ଭାରତ-ଆମେରିକା ମ୍ୟାଚ୍ ଆରମ୍ଭ ହେବା ପୂର୍ବରୁ କଳିଙ୍ଗ ଷ୍ଟାଡିୟମରେ ବିଶ୍ୱକପର ଭବ୍ୟ ଉଦଘାଟନୀ ସମାରୋହ ଆୟୋଜନ ହୋଇଥିଲା । ୧୦ ମିନିଟରୁ ଅଧିକ ସମୟ ଧରି ରଙ୍ଗବେରଙ୍ଗର ବାସରେ ସାରା ଆକାଶ ଆଲୋକିତ ହୋଇଥିଲା ।
Comments are closed.