ବେଙ୍ଗାଲୁରୁ : ମିରଟ ଏବଂ ଔରାୟା ସ୍ୱାମୀଙ୍କୁ ହତ୍ୟା ଘଟଣା ମନରୁ ନଯାଉଣୁ ପୁଣି ଆଉ ଏକ ସେହିଭଳି ହତ୍ୟାକାଣ୍ଡ ଘଟିଛି ବେଙ୍ଗାଲୁରୁରେ । ମାତ୍ର ଏଠାରେ ସ୍ୱାମୀଙ୍କ ବଦଳରେ ସ୍ତ୍ରୀଙ୍କୁ ହତ୍ୟା କରି ସୁଟକେସରେ ମୃତଦେହ ଭର୍ତ୍ତି କରିଛି ସ୍ୱାମୀ । ଏହାପରେ ଅଭିଯୁକ୍ତ ସ୍ୱାମୀ ଶ୍ୱଶୁର ଘରକୁ ଫୋନ କରି ତାଙ୍କ ଝିଅକୁ ହତ୍ୟା କରିଛି ବୋଲି ସୂଚନା ଦେଇ ଫେରାର ହୋଇଯାଇଥିଲା । ତେବେ ତାଙ୍କ ଫୋନ୍ ନମ୍ବର ଟ୍ରେସ କରାଯାଇ ସତାରା ନିକଟରୁ ତାଙ୍କୁ ଗିରଫ କରିଛି ବେଙ୍ଗାଲୁରୁ ପୋଲିସ । ଅଭିଯୁକ୍ତ ସ୍ୱାମୀ ହେଉଛି ରାକେଶ ଏବଂ ମୃତକ ପତ୍ନୀ ହେଉଛନ୍ତି ଗୌରୀ ଅନିଲ ସାମ୍ବେକର । ଉଭୟ ସ୍ୱାମୀ ସ୍ତ୍ରୀଙ୍କର ଘର ମହାରାଷ୍ଟ୍ରରେ । ରାକେଶ ହିଟାଚିରେ ପ୍ରୋଜେକ୍ଟ ମ୍ୟାନେଜର ଭାବରେ କାମ କରୁଥିଲେ। ୨ ବର୍ଷ ପୂର୍ବେ ଉଭୟଙ୍କର ବିବାହ ହୋଇଥିବାବେଳେ ଏହି ଦମ୍ପତି ଗତ ଦୁଇ ମାସ ଧରି ବେଙ୍ଗାଲୁରୁ ହୁଲିମାଭୁ ଥାନା ଅନ୍ତର୍ଗତ ଡୋଡ୍ଡାକାନ୍ନାହଲ୍ଲିରେ ରହୁଥିଲେ।
ଘଟନାନୁସାରେ,ରାକେଶ ଏବଂ ତାଙ୍କ ପତ୍ନୀ ୩୨ ବର୍ଷୀୟ ଗୌରୀ ଅନିଲ ସାମ୍ବେକର ଗଣମାଧ୍ୟମ ଏବଂ ଯୋଗାଯୋଗରେ ଶିକ୍ଷା ଗ୍ରହଣ କରିଥିଲେ। ତେବେ ସେ ନିକଟରେ ଏକ କମ୍ପାନୀରୁ ଚାକିରୀ ଛାଡି ବେକାର ଥିଲେ ଏବଂ ଘରେ ରହୁଥିଲେ । ଏହାକୁ ନେଇ ପତି ପତ୍ନୀଙ୍କ ମଧ୍ୟରେ ପ୍ରାୟ ସମୟ ଝଗଡା ଲାଗିରହୁଥିଲା ।
ଘଟଣା ଦିନ ମାର୍ଚ୍ଚ ୨୬ ତାରିଖରେ ରାକେଶ ଏବଂ ଗୌରୀଙ୍କ ମଧ୍ୟରେ ଯୁକ୍ତିତର୍କ ହେଉଥିଲା, ଏହି ସମୟରେ ରାକେଶ ଗୌରୀଙ୍କ ଏକ ଚାପୁଡ଼ା ମାରିଥିଲା । ଏଥିରେ ଉତ୍ୟକ୍ତ ହୋଇ ଗୌରୀ ରାକେଶଙ୍କ ଉପରକୁ ଏକ ଛୁରୀ ଫୋପାଡିବାରୁ ଉକ୍ତ ଛୁରୀରେ ରକେଶ ପ୍ରଥମେ ଗୌରୀଙ୍କ ପେଟରେ ଛୁରି ଭୁସି ତାଙ୍କ ଗଳା କାଟି ଦେଇଥିଲେ। ତା’ପରେ ସେ ତାଙ୍କ ମୃତଦେହକୁ ଏକ ସୁଟକେସରେ ଭର୍ତ୍ତି କରି ପୁନେ ପଳାଇବା ପୂର୍ବରୁ ବାଥରୁମରେ ଛାଡି ଦେଇଥିଲେ।
ହତ୍ୟା କରିବା ପରେ, ରାକେଶ ତାଙ୍କ ଆପାର୍ଟମେଣ୍ଟ ତଳେ ରହୁଥିବା ଜଣେ ବ୍ୟକ୍ତିଙ୍କୁ ଘଟଣା ବିଷୟରେ ଜଣାଇଥିଲେ, ଯିଏ ଘର ମାଲିକଙ୍କୁ ଏହି ବିଷୟରେ ଜଣାଇଥିଲେ । ମାଲିକ ତୁରନ୍ତ ପୁଲିସକୁ ଫୋନ୍ କରିଥିଲେ। ରାକେଶ ତାଙ୍କ ସ୍ତ୍ରୀଙ୍କ ବାପାମାଆଙ୍କୁ ମଧ୍ୟ ଫୋନ୍ କରି ହତ୍ୟା କରିଥିବା ସ୍ୱୀକାର କରିଥିଲେ।
ଡେପୁଟି କମିଶନର ଅଫ୍ ପୋଲିସ (ଦକ୍ଷିଣ ପୂର୍ବ) ସାରା ଫାତିମା ପ୍ରକାଶ କରିଛନ୍ତି ଯେ ପୋଲିସ ପ୍ରଥମେ ସନ୍ଧ୍ୟା ପ୍ରାୟ ସାଢ଼େ ୫ଟାରେ ଏକ ଫୋନ୍ ପାଇଥିଲା ଯେଉଁଥିରେ ଏକ ସନ୍ଦେହଜନକ ହତ୍ୟା ମାମଲା ସମ୍ପର୍କରେ ସୂଚନା ଦିଆଯାଇଥିଲା।
“ଯେତେବେଳେ ଆମର ହୁଲିମାଭୁ ପୋଲିସ ଇନ୍ସପେକ୍ଟର ଘରେ ପହଞ୍ଚିଲେ, ତାହା ବନ୍ଦ ଥିଲା। ପ୍ରବେଶ କରିବା ପରେ, ସେମାନେ ବାଥରୁମରେ ଏକ ସୁଟକେସ ପାଇଲେ। ମାତ୍ର ଏହି ସମୟରେ ରାକେଶଙ୍କୁ ଖୋଜିବାକୁ ଚେଷ୍ଟା କରିଥିଲେ, କିନ୍ତୁ ସେ ନିଖୋଜ ଥିଲେ। ତଦନ୍ତକାରୀମାନେ CDR ମାଧ୍ୟମରେ ତାଙ୍କ ସ୍ଥାନ ଟ୍ରାକ୍ କରିଥିଲେ ଏବଂ ପୁଣେ ପୋଲିସକୁ ସୂଚନା ଦେଇଥିଲେ I ଅଧିକ ତଦନ୍ତ ପାଇଁ ରାକେଶଙ୍କୁ ପୁନେରୁ ବେଙ୍ଗାଲୁରୁ ହୁଲିମାଭୁ ପୋଲିସର ଏକ ଦଳ ପୁଣେ ଯାତ୍ରା କରିଛି।
