ଭୁବନେଶ୍ୱର : ମହାପ୍ରଭୁ ଲିଙ୍ଗରାଜଙ୍କ ରୁକୁଣା ରଥଯାତ୍ରା ଅବସରରେ ମରିଚି କୁଣ୍ଡରୁ ପବିତ୍ର ଜଳ ସଂଗ୍ରହ କରାଯାଇଛି । ପ୍ରତ୍ୟେକ ବର୍ଷ ପରି ଏବର୍ଷ ମଧ୍ୟ ମରିଚି କୁଣ୍ଡ ପାଣି ନିଲାମ କରାଯାଇଛି । ବିଶ୍ୱାସ ରହିଛି ଯେ, ଏହି ମରୀଚି କୁଣ୍ଡ ପାଣିକୁ ନେଇ ଗାଧୋଇ ପ୍ରଭୁ ଶ୍ରୀଲିଙ୍ଗରାଜଙ୍କୁ ଦର୍ଶନ କଲେ ନିଃସନ୍ତାନ ମହିଳା ସନ୍ତାନ ପ୍ରାପ୍ତ ହେବା ସହ ମନସ୍କାମନା ପୂରଣ ହୋଇଥାଏ ।
ନିଲାମ ଜଳକୁ ଗ୍ରହଣ କରିବା ପାଇଁ ନିଷ୍ଠାର ସହ ବହୁ ପରିବାର ଅପେକ୍ଷା କରିଥିବା ବେଳେ ରାତି ବାରଟା ସମୟରୁ ଏହି ନିଲାମ ପ୍ରଣାଳୀ ଆରମ୍ଭ ହୋଇଥିଲା । ପ୍ରକ୍ରିୟା ଅନୁସାରେ ତିନୋଟି ଡାକ ହୋଇଥିଲା । ପ୍ରଥମ ଘଡା ପାଣି ନିଲାମ ପାଇଁ ୨୦ହଜାର ୧୦୦ ଟଙ୍କା ସରକାରୀ ଡାକ ରହିଥିବା ବେଳେ ୨୧ହଜାର ଟଙ୍କାରେ ନିଲାମ ଶେଷ ହୋଇଥିଲା । କଟକ ଦାମୋଦରପୁରର ଜିତେନ୍ଦ୍ର ମହାରଣା ଓ ଜ୍ୟୋତ୍ସ୍ନା ମହାରଣା ମରିଚି କୁଣ୍ଡର ପବିତ୍ର ଜଳକୁ ସଂଗ୍ରହ କରିଛନ୍ତି
